活動包括手飾製作、曲奇製作，全部都是簡易程度
部份時間是自由活動，也有家長茶點時間
各學生都好守秩序，在整個過程裡都留意到他們非常聽老師的指令

老師教做手飾和曲奇，全部乖乖留心聽，然後有秩序地輪住做
曦慧在自由活動時間去玩火車，還熟練地穿上制服

之後各家長安坐在座位上等候茶點招待
小螞蟻們陸續奉上薯片和利賓納


這個是手飾成品

老師派發早前由他們親手做的蜜蜂手工，然後連同big hug一起送給媽媽，嘩~場面溫馨呀


準時4:30pm活動完結
遲d有父親節慶祝活動，老師預早提示要reserve爸爸，曦慧即時的反應是"爸爸好忙格喎"

老師教她媽媽平日做家務好辛勞，所以母親節要多謝媽媽
時代唔同了， 曦慧的媽媽唔多駛做家務，所以曦慧每次都對外反駁，話係爸爸做家務，又話如果代做晒家務就姐姐無嘢做，搞到全場大笑

臨近第4個母親節，無奈地收到第二句"你點做人阿媽o架？" 
好礙耳，第一句在曦慧不足一個月時收到，第二句係臨近母親節時收到，都唔知係攞景定贈慶
最頂o既就係出自垃圾級人士的口，確係母親生涯中的遺憾

最近買了一部新相機，破天荒，新相機不是Nikon系，今次是脫軌之作
Ricoh PX

貪平嘛，團購價$9XX買入
這部相機上年夏季推出，當時價格是$2XXX
而家$9XX，價錢實在吸引
再加多$200就upgrade埋SD卡再加多個電再加多個膠套再加多個保護貼...嘩~~~
相機本身已有超強的特色功能： 防水、防塵、耐衝擊性能、防水防塵能力符合JIS/IEC保護等級8級、1600萬象、內置超多的場景拍攝功能......這個價錢有這些功能，滿意到極！
不過自己做了Nikon人太耐，Ricoh跟Nikon的操作模式略有不同，剎時轉軚需要多一點時間適應

相片質素有目共睹
       

早已發現曦慧對音樂有濃厚的興趣，所以以往參加的課餘活動都有唱遊的原素
剛完成YMCA舉辦的10堂兒童音樂啟蒙班，經過有系統地教導小兒科樂理及皮毛地介紹樂器，曦慧對音樂的認識大有進步
一班10人，人數雖多，但保證唔悶
家長在每期課程的最後一堂有機會入課室觀課

今次最大得著是學識拍子，拍子是樂曲的骨幹、節奏的根據
齋教拍子係好鬼悶o既，在這裡學就入腦得多了



個個小朋友都好留心，老師又教得生鬼

不費吹灰之力，腦袋仔已載入拍子的概念，對drmfsltd非常熟
平時掛在口邊的歌仔，偶然會轉為drmfsltd唱一次
已懂得彈奏Rainbow bells和Xylophone，仲開始自己研究鋼琴
前幾日見曦慧用鋼琴彈Twinkle twinkle little star似模似樣，萬分驚喜，佢自己都樂在其中、充滿滿足感

媽媽雖然學過鋼琴多年亦教過吓琴，但這一刻依然未打算教她
最大的原因是時機未成熟，3歲人仔還未係時候專注學習一種樂器，免事倍功半
第二個原因是要這年紀的小孩最好是廣泛地認識音樂而非深入而狹窄地認識音樂
第三個原因是我深信過份催谷只會令人變得被動，真心想學的才有好的成果，都係讓她自由地選擇吧

曦慧的學校於2月中舉行了parent-teacher meeting
會面前兩星期收到精美的School Report一份

8成評分都非常好，有少量項目得中等評價
最後有老師寫的評語，評曦慧比較害羞，在Circle Time較少發言，要鼓勵多說話......

跟曦慧一起閱讀School Report，由頭讀到尾俾佢聽
曦慧的反應非常著緊，聽到好的就滿足地笑，一聽到中等評價的項目就好失望
每有中等評價的，她都說是老師寫錯，深深不忿
遁例都要鼓勵一下，其實做得好的項目比較多，不必介懷少少瑕疵

差不多到會面當日，我都有問曦慧有無嘢要我代講同埋對學校有咩意見
得到的答案好好笑：
1) 你幫我問吓Mrs Sen，我幾時可以返學？ (當時正值新年長假期)
2) 你幫我話俾Mrs Sen知School report寫錯了，叫佢改番

Parent-teacher meeting的大日子到了，schedule排得密密麻麻的
一個接一個，我們有機會欣賞曦慧的classwork，用了5分鐘跟普通話老師傾，再用不足10分鐘跟Mrs Sen傾
原本準備好一些問題，但Mrs Sen一開波已講咗好多我想知o既嘢，仲要係比School Report所寫的更好，我即刻無晒問題
Mrs Sen仲提我們要教曦慧保護自己，尤其是玩玩具時，遇到其他同學攞咗手上的玩具，可以講"I'm still using this."，而不要啞忍

據經驗，我一直認為曦慧玩玩具時很霸道的，以往我曾需要插手調解糾紛
萬萬想不到曦慧返學玩玩具時係咁弱勢的
回家後，找機會跟曦慧模擬吓玩玩具時的應對
模擬後知道應該不屬語言的問題，她都懂基本應對的英文
再三問一問，曦慧勁老積咁答我："得格嘞，我知格嘞，我識講，不過佢想要咪俾佢玩先囉，我可以再去玩具箱攞過..."
O咀，我個囡在不知不覺間變咗

佔地不算大，環境略為狹窄，不過對於小朋友而言，是一個頗刺激的遊樂場
麻雀雖小五臟俱全，場內有獨特的氣球屋、波波池、sir滑梯、彈床、隧道、波波噴泉、波波大炮、搖搖馬、健身球、積木、玩具屋、小兒科過山車......配上精美佈置作背景，此場值得一試
不過樓底不高，大人要鑽入遊戲架陪玩並不興鬆
"幻彩氣球屋"最為獨特，暫時未見過類似的設施，七彩氣球再加風扇4個，已令傻瓜興奮
材料和器材都簡單，好多人會話:"車，波之嘛~"。不過無人做得出之嘛。在香港地，設有這個環境可令年幼的小朋友安全地捉波就絕對有吸引力

sir咗3000次都唔厭的sir滑梯，一衝入去就是又深又多波的波波池

小兒科過山車亦是曦慧的最愛

我們由10:30玩到5:30，中途外出食午飯和下午茶，入場時間頗長，極累
$70一大一細算抵玩
最令家長驚喜的是有陪玩員陪著無窮精力的小朋友玩個癲，年青力壯的職員陪玩時絕不偷懶，家長可以放心"柄"埋一邊休息

當天是上課日，我們並無深入參觀課室或上課狀況
校內上上下下的職員都非常有禮，笑容滿面，感覺良好
我們早到了，自行參觀泳池和洗手間
不久就有位秘書小姐帶我們到校長室
最初處理校長請曦慧獨自入校長室，曦慧不肯，所以我有幸一同進入
是一對一的Interview，甫坐下就獲發一張白紙和鉛筆，之後就問好多問題
考曦慧寫自己的名字、數1-10、唱ABC歌、寫英文字、寫數目字、畫公仔
對一個3歲小朋友來說，真的不易
之後處理校長同我傾吓計，透露今年有好多人報名，來年會開兩班Reception，每班約15-16人
再問埋要唔要坐校巴和訂Lunch Box，當時都意會到她非常滿意我們的表現，似乎即收
該校設有ESL(English as a Second Language)特別班，專門輔助母語並非英語的學生，經過十多分鐘的Interview，處理校長覺得曦慧不需要入ESL特別班，可喜，水準達標

今天，收到Invoice要交deposit，一攝留念

入學Interview戰正式告終

年廿七，曦慧的學校舉行了CNY Concert
晨咁早起身，為睡眼惺忪的曦慧打扮得漂漂亮亮就立即出發

只有我一人出席，9時正把曦慧送抵課室，連隨到School Hall找位子
今次比上次更厲害，只剩下最後幾行有位，上層座位又未開，唯有照坐
不久，上層開放了，大量家長踴上去，我有幸在前排找到個好位
其實坐邊度都一樣削，你睇吓，D人唔係坐o既



基本上，由第二排觀眾開始就係企o既，企地o既又有、企凳o既又有
現場十足Outdoor Concert咁，要幾wild有幾wild
其實下次都唔需要勞煩校工去砌凳仔，d人都唔鍾意坐o既，慳番d力仲好

今次曦慧又係坐台上第1行左邊位置

大約40分鐘的表演，P1依舊佔最重戲份
全程都是唱普通話賀年歌，這校的普通話的水準真的不俗
最後的大合唱最令人嘆為觀止
仲俾我發現Youtube上有另一相關短片，拍攝角度比我的更好
可惜曦慧正正被老師擋著

表演完畢就是拍照時間，我快手快腳影一張便完工然後逃離戰場

再在老遠目送鴨仔回課室

待他們開完新年派對再回校接放學，不過出了個問題嚇到曦慧半死
差不多12點，我行上大斜路準備到學校接曦慧，誰不知竟然看見正在駛走的校巴F上有個貌似曦慧的小女孩，互相你眼望我眼
當時都不太肯定，校巴開始轉彎離開，才看清楚她頭上的頭飾終於確定是曦慧
明明又話當日無校車，點知又被送了上校車，突然間搵鬼去落車處接人咩!?
我立即追車，車又突然停下，門開了，聽到哇哇喊聲
校車嬸嬸扶著喊得死去活來的曦慧落車，落車後好耐都收唔到聲，好似嚇傻咗咁
多得曦慧喊停架車，否則我要跑幾條街去追車了

曦慧的假期正式開始，初十啟市

CNY假期冷知識，八卦一下各大IS的放假狀況，有驚人發現，最長的竟然放到新十五才上學(@_@共17日假期)

DBIS	初八
ESF	初八
FIS	初八
GSIS	初八
HK Academy	初八
HKIS	初八
ICS	初八
JIS	初八
KIS	初八
NIS	初八
Kellet School	初九
AIS	初十
AISHK	初十
CAIS	初十
CDNIS	初十
HLYIS	初十
KCIS	初十
SIS	初十
VSA	初十
YCIS	初十
ISF	十五