飯太太的無限自由空間

湊孫樂

飯太太 | 25th Nov 2009, 00:04 AM | 曦慧記事簿 | (11 Reads)

剛過去的星期日約咗老爸老媽飲茶
茶聚後先送走唔見精神的飯先生
然後我們在商場裡玩吓食吓行吓影吓

有公公拖手仔行街街

留言(2) | 引用(0)

積極籌備去旅行<三>

飯太太 | 23rd Nov 2009, 16:39 PM | 一般雜記 | (25 Reads)

首爾之旅已進入倒數階段

去程乘搭A330

坐位已選定,係供應量有限的嬰兒搖籃位

攜帶嬰兒上機除了在坐位上有特別安排外,仲有額外驚喜

以前坐飛機見到鄰座的細路又有禮物包,又有特別精美的兒童餐,非常羨慕
今次終於有機會得到一份,萬分期待

留言(2) | 引用(0)

再見蟑EE

飯太太 | 21st Nov 2009, 16:22 PM | 曦慧記事簿 | (21 Reads)

終於捱完今屆的幼潛，總共上咗8堂，如果唔係為咗俾曦慧見多D小朋友，根本不值得一去
第一堂已經對呢個EE有點微言，之後繼續上堂都未有改觀，到今日直頭覺得佢垃圾
總括嚟講，第一堂大家初次見面無咩嘢，除了上一堂係有讚賞，之後幾乎每堂都批評曦慧
咩學習比別人慢、咩唔接受新事物、咩對人抗拒......今日直頭話"有問題"
仲要在活動後討論時段拎出嚟作例子，仲要話曦慧嚟上咗幾堂已經算有進步~~SHIT~~
嘩~前所未見的自以為是
上幾堂佢拎張貼紙俾曦慧睇，距離隻眼約1cm，擺得咁近正常眼睛根本就對焦唔到，咁曦慧咪望另一邊更加吸引o既事物囉，跟住又俾佢話唔夠專注，又話人哋俾嘢佢唔識睇
一個有問題的C奶嚟話我個囡有問題，都幾好笑~
一個嚟帶8個小孩子玩遊戲的C奶竟然意為自己好權威，對一個沒有大問題的小孩作一個咁過份的評價，正一垃圾

好彩而家資訊非常流通，我又算識D字及懂D事，係咪去到"有問題"的地步我自己知
如果呢件事發生喺十幾廿年前，恐怕已經為家長帶來恐懼

其實曦慧有好多叻o既地方
今日玩"大中小套杯"非常出眾，呢d又唔讚
上次玩"大中小套圓圈"非常出眾，呢d又唔讚
上堂非常守規矩，呢d又唔讚
肯把心愛的玩具交俾其他小朋友，呢d又唔讚

遇著呢個EE真係不幸
更不幸o既係，今日見有小孩子學咗個怪動作，全懶EE
呢個怪動作就係"舉手禁低自己個頭"
咪係拜佢所賜囉，佢每次派玩具都舉起隻手禁低小孩子個頭示意"謝謝"
咁D小孩子咪意為呢個動作係正常囉~怪哉~怪哉

佢教壞人時人哋亦教壞佢，EE好學唔學學人英語教學
班中有一家長係以少少英語跟孩子對話的，班中亦有一家長係用港式英語跟孩子對話的
咁EE今日為迎合英語潮而有一大突破，叫小孩子指住張貼紙："指指丫~POINT"
POINT係讀[]，不過佢就讀[]，發音少咗個i音
喺呢個教細路的場合裡，講廣東話又用細路口音，連讀一個英文字都唔正
一D水準都無！

以後都唔報幼潛，避之則吉！

留言(1) | 引用(0)

玩樂@數碼港Wise-Kids Playroom

飯太太 | 16th Nov 2009, 00:50 AM | 曦慧記事簿 | (21 Reads)

Wise-Kids Playroom在B界裡都有一點名氣，不難在各B Blog裡搜尋到有關文章
今日慕名而至一試，午飯後由小島坐船到中環然後轉30x巴士直達，全程約一小時
曦慧懷著興奮心情出發，一直未有瞓過覺，去到時雙眼又腫又細了

Wise-Kids Playroom並不是無限任玩的，一日只有四個開放時段，每場1小時15分鐘
時間啱啱好，換埋片片先入場，剛好加入4點場
場內不能拍照，只能拎個電話出嚟偷拍幾張，角度仲要有點鬼鼠

聲稱佔地8仟呎的Playroom都唔係好大咁喎，我估佢連埋零售區一起計算面積
由八個細細的分區組成的Playroom裡有大量玩具，以木製玩具為主，而煮飯仔遊戲約佔三份一，樂器約佔五份一
設有3歲以下幼兒專區，裡面沒有波波池但有水床，我估水床有5呎乘5呎咁大
我們一進場就四圍搵玩具玩，中途會有職員姐姐嚟逗吓曦慧，仲被邀請到Multi-sensory Room體驗
最後15分鐘有由職員姐姐帶領的音樂遊戲，開頭的10分鐘都有參與o既，不過之後就逐漸複雜，所以我哋離隊去玩多一陣玩具
走嗰時曦慧又好似好肚餓咁食食食，食飽後就瞓瞓瞓
搭30x到中環碼頭坐船回小島去

留言(1) | 引用(0)

再來面試日

飯太太 | 14th Nov 2009, 23:48 PM | 曦慧記事簿 | (22 Reads)

今日在寒風刺骨的早上去第四心儀的幼兒園面試

直覺上我覺得係衰咗o既
首先，這校的選生與約面試的安排已經對細BB不利
加上今日面試的不幸過程，我估機會不大了
學校的環境有少許陰暗，入到課室先玩一些不大吸引的玩具，隔離左右正在零零碎碎地進行面試......曦慧左玩玩右玩玩，對那些玩具的興趣不大......輾轉間行到一盆木珠和繩然後坐下來，這盆玩具係串珠訓練，係極之高階的手眼協調和耐性的考驗，比篤紙包飲品盒更難，巧合地老師埋嚟開始面試
天啊~遲唔嚟早唔嚟，偏偏等我哋錯誤地坐在一盆無能力應付的玩具面前先嚟
老師叫曦慧玩俾佢睇，咁我從中協助，捉著曦慧右手渣木珠，再捉著曦慧左手渣繩，一路玩一路扮到好有趣希望吸引曦慧集中應付呢盆玩具，老實說串珠根本就唔係咩好玩o既遊戲，曦慧玩咗一陣就開始不耐煩了，又擰轉面，又唔睬老師，又擰頭......
捱多一陣終於完成面試，快d走~~一出門口立即興鬆晒~~
睇怕呢間幼兒園都唔係咁適合我哋！

留言(1) | 引用(0)

我和豬囡有個約會

飯太太 | 10th Nov 2009, 04:20 AM | 曦慧記事簿 | (21 Reads)

今日專誠放半天假與挪威豬囡約會，機會難逢，要好好把握，佢哋飛走咗就唔知幾時可以再一齊玩了
下午在尖沙咀滙合，我哋先去中間道遊樂場玩
豬囡離遠見到遊樂場已經非常開心

曦慧行到一仆一碌跟唔切都要跟著豬囡，豬囡又會好心急咁叫"BB"，有時等唔切就走咗去玩先，然後曦慧又會加快腳步衝過去...嘩~~行死我呀！
今日有大量我和曦慧耍樂的合照，非常感激Alice仗義拍照

排排坐，幾Friend

搞合照都搞咗好耐吓，曦慧開始不耐煩想逃走
豬囡好叻咁攬實曦慧，曦慧又乖乖繼續坐定，都幾搞笑

大合照終於搞成~~

今日非常熱，我哋玩到身水身汗，要用濕紙巾幫大小姐抺身降吓溫

玩完遊樂場就去Charlie Brown Cafe開餐

連玩兩日遊樂場，人都散埋

留言(1) | 引用(0)

Playtown好好玩

飯太太 | 8th Nov 2009, 21:39 PM | 曦慧記事簿 | (26 Reads)

趁放假要帶曦慧四出活動見識見識，今日去咗個新地方----Playtown
Playtown位於西環的西寶城
我哋先搭船到中環再轉M47巴士

我在第一分站上車，巴士上無人，可以慢慢地放置好BB車然後坐低
過多幾個站之後成車迫滿人，迫迫夾夾地坐巴士，曦慧仲要瞓埋覺，真難攪~
20分鐘左右到達西寶城，到達後曦慧仲瞓緊，唯有行吓商場先啦
瞓咗成個鐘後醒來了，係時候入場狂歡
$100入場費，全日任玩，keep住條腳帶/手帶可無限次出出入入

我哋一入到去先行個圈睇睇，佔地1萬平方呎的室內遊樂場果然夠大，不過人亦很多

先去休息區餵曦慧食下午茶先，食飽先開始玩個痛快

如迷宮一樣的遊樂場
有小小籃球場、隧道、吊環、射擊、彈床
波波池雖然唔算大但很深，夠晒刺激
3歲以下另設幼兒專區
sir滑梯都有好幾條

玩咗個半鐘，曦慧興奮到不得了，未停過，連水都唔飲趕住去玩
爬上爬落又四圍行，有D位曦慧上唔到又要抱住佢爬上去，離開時我和曦慧都散晒
回程搭的士去中環碼頭，再搭船回小島
俾半個紙包蛋糕和鮮奶佢，係咁食係咁飲~~~哈哈~~一定係好肚餓嘞！

留言(1) | 引用(0)

面試日

飯太太 | 7th Nov 2009, 23:15 PM | 曦慧記事簿 | (29 Reads)

今日係曦慧去面試的大日子
目標係第二心儀的幼兒園N1班
原本約咗11月尾去In的，不過因為要去泡菜國，所以改喺今日9am
而地點亦有所更改，要到幼稚園部面試，與In K1班的小朋友一起進行面試
曦慧未夠6:30am就起身了，在床上爬來爬去玩咗一輪，捱到9am都已經謝晒
睇吓~~就瞓咁滯，幾擔心輪到佢嗰時已經瞓咗呀~!

好彩，一入到去就精神晒，整個過程都表現極好
過程絕不似interview，十個八個小朋友與家長一起，開頭係玩具時間，之後係英文故事時間，然後每人派一本小書仔閱讀，接著係廣東話唱遊時間，最後玩多一陣玩具，臨走前老師們埋嚟同小朋友傾幾句，大約45分鐘完成
嗰d幼稚園老師主任們就圍著觀察我們的一舉一動，拿著文件寫下評語和評分
成個過程好似玩Playgroup咁，曦慧玩咗咁耐Playgroup經驗豐富，啱晒
每位小朋友都可以有一位家長陪同，不過有D就犯晒規，父母一齊陪同
自己賽後檢討都覺得曦慧表現極好，對小朋友友善、專心聽故事、願意分享玩具、睇書時正正經經、又投入唱遊......仲謝天謝地沒有襲擊其他小朋友
對比同組入面有小朋友不耐煩地走來走去、搶玩具、收玩具時喊到七彩.....曦慧的表現真係值得一讚！
唯一的輸蝕地方就係活動能力和語言能力在同組入面被比下去，鬼咩~其他小朋友嚟In K1班嘛，曦慧同佢哋相差成年，確係輸蝕