|
  
|
曦慧的學校剛舉辦了母親節慶祝活動
在黃金星期五的下午，誠邀所有母親和祖母參與
我帶同曦慧婆婆一起去
當日的一小時活動裡，課室裡擠滿了女人
活動包括手飾製作、曲奇製作，全部都是簡易程度
部份時間是自由活動，也有家長茶點時間
各學生都好守秩序，在整個過程裡都留意到他們非常聽老師的指令
老師教做手飾和曲奇，全部乖乖留心聽，然後有秩序地輪住做
曦慧在自由活動時間去玩火車，還熟練地穿上制服
咁好玩，我都要扮吓嘢一齊玩先
之後各家長安坐在座位上等候茶點招待
小螞蟻們陸續奉上薯片和利賓納
這個是手飾成品
老師派發早前由他們親手做的蜜蜂手工，然後連同big hug一起送給媽媽，嘩~場面溫馨呀
準時4:30pm活動完結
遲d有父親節慶祝活動，老師預早提示要reserve爸爸，曦慧即時的反應是"爸爸好忙格喎"
第4個母親節到了，很快樂
今年曦慧又大了，神推鬼使之下在多個場合都有老師教她母親節是甚麼東東
所以今年由往年的零變收到好多零零碎碎的母親節小禮物
老師教她媽媽平日做家務好辛勞，所以母親節要多謝媽媽
時代唔同了， 曦慧的媽媽唔多駛做家務，所以曦慧每次都對外反駁，話係爸爸做家務，又話如果代做晒家務就姐姐無嘢做，搞到全場大笑
臨近第4個母親節，無奈地收到第二句"你點做人阿媽o架？"
好礙耳，第一句在曦慧不足一個月時收到，第二句係臨近母親節時收到，都唔知係攞景定贈慶
最頂o既就係出自垃圾級人士的口，確係母親生涯中的遺憾
兒童節大日子，一家3口遊海洋公園
不嬲飯先生都絕不參加呢類親子活動，難得飯先生這天也肯出席而又無黑面，世界變
不過這天出奇地多人又混亂，我們坐629去竟比平時用多一倍時間，原因係執法機關胡亂封路，吹賬！
好彩，去到海洋公園後得知曦慧的同學仔都去玩，省回排長龍買飛的時間
仲可以全程跟同學仔一齊玩，真好
我們先去海洋奇觀
之後睇熊貓和新加入的金絲猴
今次影得好清楚，安安和佳佳都坐得好近觀眾
然後坐海洋烈車過對面山頭食飯，曦慧中途已瞓咗
食完飯兵分幾路遊園，再集合坐纜車過番對面山頭玩
途經新景點----香港老大街
驚喜萬分，有好多懷舊嘢，所有擺設都很仔細，好似電影廠景一樣，連廁所都充滿古老氣息
部份屬於攤位遊戲區，贏咗換袋米走
新束束的黃包車，人人都可以坐上去影一影，這個是曦慧的同學仔
有部份屬於懷舊小食區，腸粉、碗仔趐、豆腐花、咖喱魷魚......通通以遊客價發售
制水時期的水桶
老爺巴士都有一架
接著去排隊玩環迴水世界，這個是另一個同學仔
再去玩幾局遊戲
玩樂完畢，辛勞而又盡興的一天
最近買了一部新相機，破天荒，新相機不是Nikon系，今次是脫軌之作
Ricoh PX
貪平嘛，團購價$9XX買入
這部相機上年夏季推出，當時價格是$2XXX
而家$9XX，價錢實在吸引
再加多$200就upgrade埋SD卡再加多個電再加多個膠套再加多個保護貼...嘩~~~
相機本身已有超強的特色功能：
防水、防塵、耐衝擊性能、防水防塵能力符合JIS/IEC保護等級8級、1600萬象、內置超多的場景拍攝功能......這個價錢有這些功能，滿意到極！
不過自己做了Nikon人太耐，Ricoh跟Nikon的操作模式略有不同，剎時轉軚需要多一點時間適應
相片質素有目共睹
